طفي النور يا بهية كل العسكر حرامية

مش هطول عليكوا و هدخل في الموضوع علي طول...عايز بس اقول حاجة الأول...أنا مش من الناس الي بيمشوا بنظرية المؤامرة زي عمرو مصطفي و ضعاف العقول أمثاله....أنا بس زي ما انتوا متعودين بحب أحط السيناريو امامكم و انتوا تفكروا و نتناقش و ناخد و ندي بقي للصبح مع بعض.

قالوا ست شهور و نقل سلمي لسلطة مدنية و ده كان يوم 11/2/2011 ممكن حد يفكرني احنا في شهر كام ؟؟ 

ممكن حد يقولي تصرف واحد حصل منهم لصالحنا بدون مانضغط عليهم ؟؟ 

ممكن حد يقولي ازاي مجلس يقوم بمهام رئيس دولة بدون رجل واحد سياسي معهم ؟؟؟

ممكن حد يقولي يعني ايه يكونوا في منصب سياسي و لو حد انتقدهم يروح س 28 و يدفع 20 ألف جنيه؟؟

ممكن حد يقولي ازاي بعد مرور ثلاث أسابيع علي قتل رجالنا علي الحدود مفيش مسؤل يطلع يتكلم؟؟؟ في حين انه لما يكون شئ ضد الثوار يطلع يزعق بصباعه أو الثاني يطلع يشخط فينا!!

ممكن حد يقولي ايه الهدف من ان المجلس يضع قانون الانتخابات من تلقاء نفسه ليفاجأ به جميع القوي السياسية و يرفضه الجميع...هل يريد ان يطول الوقت في تعديله مثلا؟؟

ممكن حد يقولي ليه الأمن مارجعش؟؟ 

ممكن حد يقولي ليه قوات الجيش تركت السفارة علي مسرعيها؟؟؟

ممكن حد يقولي ليه أصلا المجلس يوصل الناس لهذه الدرجة؟؟؟ ليه محدش عبرهم و قال هنجيب الحق و يتكلم ولا فالح يزعقلنا بصباعه؟

ممكن حد يقولي المسرحيات الي بيقولوا عليها محاكمات ليه بيحصل فيها كل هذه المماطلات الغير مبررة؟؟

ممكن حد يقولي ازاي ظابط أمن مركزي يقول للشباب عند المحاكمة "ثورة ايه ده احنا هنوريكم" ؟؟

طب هل تعلم أن العسكر لو عايز يأمن السفارة هيعرف يأمنها؟؟

طب هل تعلم ان الداخلية قالوا هينسحبوا من الميدان فقط مش من كل المناطق الحيوية؟؟

طب هل تعلم ما معني تفعيل قانون الطوارئ و رفع حالة الاستنفار الأمني؟؟

طب هل تعلم أننا نعيش في بلد لا نعرف متي سيتم تسليم السلطة لرئيس مدني؟؟

هل تعلم أن الثورة تخسر الشارع كل يوم أكثر و أكثر؟؟

هل تعلم أنه في عام 52 و بعد حركة الضباط الأحرار قال محمد نجيب انه سيتم نقل السلطة بشكل سلمي لرئيس مدني...أنا سمعت الكلام ده فين قبل كدة؟؟

المهم يعني كانت الفترة الانتقالية لمدة عامين و في خلال العامين دول ماكنش في أمن و كان في أحداث زي الي بتحصل اليومين دول بالظبط...الناس نزلت ضربت من يطالبون بالديمقراطية و الدولة المدنية و طالبوا الجيش بحكم البلاد....أبشروا يا رفاق ده ممكن يحصل فينا, احنا بنخسر فعلا انزلوا الشارع هتلاقوا كتير بيشتموا فينا....طيب و بعدين بقي..نسكت؟؟ لأ طبعا لازم بقي نحكم عقولنا و يبقي عندنا ذكاء و حكمة في أي تصرف نعمله و نكسب الناس و نكسب الشارع الي فقدناه جزئيا حتي و نستكمل ما بدأناه و ناخد تعهد علي تفسنا اننا نكون قد الي بدأناه يوم 25/1 و لو مش علشانا يبقي علشان عيالنا و علشان الناس الي ماتت...طيب و هنشتغل ازاي و نكمل؟؟ مش كل حاجة تحرير و مش كل حاجة تويتر و مش هنقضي حياتنا تنظير علي الناس و علي الأحزاب...مش عاجبك حاجة انزل اشتغل علي أرض الواقع في أي حزب تكون دماغك كتوافقة معاه...أو انزل الشارع تفاعل و حاول تغير...خلينا ايجابيين...بلاش نفضل نخبط في بعض و خلينا نتعامل أن الثورة هي سيارة معطلة لازم كلنا نزقها في نفس الاتجاه...خلينا نتحد و يكون عندنا الحكمة و الذكاء الثوري....معلش لو طولت عليكم

عايز بس في الأخر أقول كلمة حق و برغم كل هؤلاء المصابين يوم 9-9 الي وصل عددهم لأكثر من ألف و لكن أنا رأي الشخصي أن الشرطة بالفعل التزمت ضبط النفس و كانت في حالة الدفاع فقط بدليل ما حدث عند الداخلية من اعتداء علي منشأتها و هم التزموا ضبط النفس و عند مديرية أمن الجيزة تعاملوا بعد أن تم الاعتداء عليهم بالفعل...و الحق مايزعلش عمره...هؤلاء لن يكونوا أعدائنا للأبد....الحق و تحكيم العقل مش عيب 

                                                                                                           قائد الجناح العسكري

العيد فرحة...مستنينكم يوم 9/9 علشان نكمل الطريق

أهلا أهلا بالعيد مرحب مرحب بالعيد هي هي هيييي...كل سنة و انتوا بصحة و سلامة و عيد مبارك بدون مبارك...و أول عيد ثوري....و أول عيد يكون في صلاه في ميدان التحرير و منقولة و مش من مصطفي محمود و مفيش بقي أحمد عز واحد ييجي يلبسه الجزمة و نلاقي أحمد نظيف و العادلي بيصلوا مع بعض و كانت بتكون حاجة تحرق الدم يعني.

السنة دي الطعم مختلف بكل المقاييس السنة دي شهدائنا ارواحهم بترفرف حوالينا و طبعا في شوية حاجات كدة تدل علي اننا لسة قدامنا سكة طويلة...

استقلال قضاء؟؟؟

استقلال أزهر؟؟؟

وقف المحاكمات العسكرية؟؟؟

اعادة المحكوم عليهم أمام قاضيهم الطبيعي المدني؟؟؟

الضغط علي رجال الشرطة للعمل بجدية تامة و مساندتهم من القوات المسلحة و مساندة شرفاء الشرطة من الشباب.

موقف حاسم من قتل المصريين علي الحدود؟؟؟

هل سنكون في موقف المتفرج أيضا بعد طرد تركيا للسفير الاسرائيلي؟؟؟

ما موقفنا الحاسم من معاملة السعودية مع المعتمرين المصريين و اهانتهم؟؟؟

يا تري العسكر هيفضل محتل الصينية؟؟؟ قولتوا علشان رمضان بس علشان المحلات و أهو رمضان خلص...يا تري عجتكوا الصينية ولا انتم تعلمون مدي قوة الصينية؟؟؟ و تريدون زمام الأمور تكون معكم أو مع من يطلق عليهم القوي السياسية ؟؟؟

دائما كان شعار القوات المسلحة هو "ضعوا مصر نصب أعينكم" جاء الوقت الي احنا نقولكم فيه ضعوا مصر الثورة و مصر التغيير و الحرية نصب أعينكم و أعلموا ما معني الثورة و اعلموا ما معني التغيير الجذري..

ارحمونا يرحمكم الله يا مجلس عسكر....هل من مجيب؟؟ ان كان المشير أو حتي لو ملازم بس حد يعبرني 

سليمان خاطر في سطور كي لا ننساه...نقلا عن صفحته

سليمان محمد عبد الحميد خاطر أحد عناصر قوات الأمن المركزي المصري و كان يؤدي مدة تجنيده على الحدود المصرية مع إسرائيل عندما اصاب سبعة 

إسرائيليين فأرداهم قتلى في الخامس من أكتوبر عام 1985م.

*******

حياته:

سليمان محمد عبد الحميد خاطر من مواليد قرية أكياد في محافظة الشرقية بجمهورية مصر العربية ، وهو أخر عنقود من خمسة أبناء في أسرة 

بسيطة أنجبت ولدين وبنتين قبل سليمان.

ألتحق سليمان مثل غيره بالخدمة العسكرية الإجبارية، وكان مجند في وزارة الداخلية بقوات الأمن المركزي.

وكان من الصعب على أحد أن يعرفه لولا ما حدث في أخر أيام خدمته في سيناء


*******

والقصة كما نشرت في جريدة الوفد المصرية أنه وفي يوم 5 أكتوبر عام 1985م وأثناؤ قيام سليمان خاطر بنوبة حراسته المعتادة بمنطقة رأس برقة أو 

رأس برجة بجنوب سيناء فوجئ بمجموعة من السياح الإسرائيليين يحاولون تسلق الهضبة التي تقع عليها نقطة حراسته


فحاول منعهم وأخبرهم 

بالانجليزية أن هذه المنطقة ممنوع العبور فيها قائلا: stop no passing إلا انهم لم يلتزموا بالتعليمات وواصلوا سيرهم


بجوار نقطة الحراسة التي توجد 

بها أجهزة وأسلحة خاصة غير مسموح لأي إنسان الاطلاع عليها فما كان منه إلا أن أطلق عليهم الرصاص خاصة


ان الشمس كانت قد غربت وأصبح من  الصعب عليه تحديد لماذا صعد هؤلاء الأجانب وعددهم 12 شخصا الهضبة.

فنفذ سليمان الأوامر التى كانت أعطيت له بأن أطلق النار في الهواء أولا للعمل علي منع أي شخص


من دخول المنطقة المحظورة ولو بإطلاق النار 

عليهم إلا انه تمت محاكمته عسكريا ، وفي خلال التحقيقات معه إدعى سليمان بأن أولئك الإسرائليين قد تسللوا


 إلى داخل الحدود المصرية من غير  سابق ترخيص ، و أنهم رفضوا الإستجابة للتحذيرات بإطلاق النار.

محاكمة سليمان:

سلم سليمان خاطر نفسه بعد الحادث ، وبدلا من أن يصدر قرار بمكافئته علي قيامه بعمله ،


صدر قرار جمهوري مستغلا سلطاته بموجب قانون 

الطوارئ بتحويل الشاب إلي محاكمة عسكرية ، بدلا من أن يخضع على أكثر تقدير لمحاكمة مدنية كما هو الحال مع رجال 


الشرطة بنص الدستور.

طعن محامي سليمان في القرار الجمهوري وطلب محاكمته أمام قاضيه الطبيعي ، وتم رفض الطعن.

وصفته الصحف "القومية" بالمجنون ، وقادت صحف المعارضة حملة من اجل تحويله إلى محكمة الجنايات بدلا من المحكمة العسكرية ، وأقيمت 

مؤتمرات وندوات وقدمت بيانات والتماسات إلى رئيس الجمهورية ولكن لم يتم الأستجابة لها.

قال التقرير النفسي الذي صدر بعد فحص سليمان بعد الحادث أن سليمان "مختل نوعا ما ".

والسبب أن "الظلام كان يحول مخاوفه إلي أشكال أسطورية خرافية مرعبة تجعله يقفز من الفراش في فزع، وكان الظلام يجعله يتصور أن الأشباح 

تعيش في قاع الترعة وأنها تخبط الماء بقوة في الليل وهي في طريقها إليه".

وبناء على رأى أطباء وضباط وقضاة الحكومة ، عوقب سليمان لأنهم أثبتوا أن الأشباح التي تخيفه في الظلام اسمها صهيونية.

وبعد أن تمت محاكمة سليمان خاطر عسكريا ، صدر الحكم عليه في 28 ديسمبر عام 1985م بالأشغال الشاقة المؤبدة لمدة 25 عاما ، وتم ترحيله الي 

السجن الحربي بمدينة نصر بالقاهرة.

بعد أن صدر الحكم علي خاطر نقل إلي السجن ومنه إلى مستشفي السجن بدعوي معالجته من البلهارسيا، وهناك وفي اليوم التاسع لحبسه ، 

وتحديدا في 7 يناير 1986 أعلنت الإذاعة ونشرت الصحف خبر انتحار الجندي سليمان خاطر في ظروف غامضة!!



******************




أقوال سليمان خاطر في محاضر التحقيق :

يحكي سليمان خاطر ما حدث يوم 5 أكتوبر 1985 من خلال أقواله في محضر التحقيق فيقول :

"كنت علي نقطة مرتفعة من الأرض ، وأنا ماسك الخدمة ومعي السلاح شفت مجموعة من الأجانب ستات وعيال وتقريبا راجل وكانوا طالعين لابسين 

مايوهات منها بكيني ومنها عرى . فقلت لهم "ستوب نوباسينج" بالانجليزية.

ماوقفوش خالص وعدوا الكشك، وأنا راجل واقف في خدمتي وأؤدي واجبي وفيه أجهزة ومعدات ما يصحش حد يشوفها


والجبل من أصله ممنوع أي حد 

يطلع عليه سواء مصري أو أجنبي.

دي منطقة ممنوعة وممنوع أي حد يتواجد فيها، وده أمر وإلا يبقي خلاص نسيب الحدود فاضية ، وكل اللي تورينا جسمها نعديها.

(وذلك في إشارة منه إلى حادثة كانت مازالت حديثة حين استطاعت امرأة صهيونية أن تتحايل بالعري على أحد الجنود في سيناء ،


 وتحصل منه على 

تردد أجهزة الإشارة الخاصة بالأمن المركزي هناك بعد أن ادخلها الشاليه المخصص للوحدة).

وقبل أن ينطق المحقق بأمر قال لهم أخيراً .." أمال انتم قلتم ممنوع ليه ..قولوا لنا نسيبهم وإحنا نسيبهم" .

سأله المحقق :

ـ لماذا يا سليمان تصر علي تعمير سلاحك؟

ـ وفى بساطة (ربنا يسامح اللي علمها له) قال .. لأن اللي يحب سلاحه يحب وطنه ودي حاجة معروفة واللي يهمل سلاحه يهمل وطنه.

ـ بماذا تبرر حفظ رقم سلاحك؟

ـ الإجابة من أوراق التحقيق .. لأني بحبه زى كلمة مصر تمام.

التلخيص كان شابا يؤدي خدمته العسكرية في عام 1985 في طابا بعد تحريرها، وفي أحد الأيام كان يؤدي الصلاة، عندما مرت بجانبه حافلة تقل عدد 

من الإسرائيليين، فنزلوا إلى جواره وبدؤا يسخرون من طريقته في أداء الصلاة، وأراد بعضهم الدخول للحدود المصرية عنوة، ولكنه أبي فما كان منهم إلا 

أن سبوا مصر وبصقوا على العلم المصري، فقام سليمان خاطر بإطلاق نيرانه نحوهم فقتل سبعة منهم.

لازم أكش

هذا الشعر عن الوضع الحالي بعد استشهاد جنود مصريين من الرصاص الصهيوني:

تأليف: محمد ماضي

معلش لازم أكش انا أصلي كائن جبان.....اسرائيلي بألف وش غدر طبعي من زمان

أنا واخد أرضه غصب ماقدرش يبعدني.....أنا صهيوني و كلب أي حاجة تخوفني

عربي يصالح أخوه و يتفقوا؟ يبقي لأ.....حرفع سلاحي أصل صوتهم بيرعبني

معلش لازم أكش أنا أصلي جبان.....اسرائيلي بألف وش غدر طبعي من زمان

لازم أفرق بينهم دول لو عملوا المصالحة في ثانية هاينفخوني و يلبسوني طرحة

مانا كابس علي نفسهم بقالي سنين كتير و هما ياعيني زهقوا ماعاشوش في يوم الفرحة

معلش لازم أكش أنا أصلي جبان.....اسرائيلي بألف وش غدر طبعي من زمان

ده انا نقطة في وسط أمة, اسمها الأمة العربية أنا لازم أجر ناعم دول كتير و مش شوية

أنا اه مفتري و سلاحي اه مجنون.....بس هقتل كام مليون و الباقي يخلص عليا

معلش لازم أكش أنا أصلي جبان.....اسرائيلي بألف وش غدر طبعي من زمان

أه منك يا مصر فوقتي ليه ع الظالمين.....ده أنا قاعد أربي فيهم و قاتلينك من سنين

خلاص عملتي ثورة؟ و بتلمي في اخواتك.....عايزيين مني ايه؟ ماتقوليش فلسطين

دي كلمات من تأليف شاب مصري أصيل أسمه محمد ماضي و من أفضل الشعراء في هذا الوطن

http://www.facebook.com/profile.php?id=615125117 

دي صفحته الخاصة ع الفيس بوك ياريت تبعاتوله أرائكم في رسائل =))

الشعب يريد الذكاء الثوري

التفكير هو الحل!!

كل سنة و انتوا طيبيين و رمضان كريم و أول رمضان من غير المخلوع و رمضان الثورة و كل البرامج عن الثورة و يعني رمضان استثنائي بكل المقاييس.

مش هتكلم كتير علي احداث امبارح بتاعت اقتحام الميدان و فض الاعتصام بهذا الاسلوب. و لكن هتكلم معاكم في نقطة تانية لازم تكون نقطة توافقية بيننا كلنا لأننا شوفنا كلنا امبارح بعد ما الميدان اتفتح كانت العربيات ماشية بتزمر و يهتفوا للجيش و كل الافلام دي, طب و ليه ده كله؟؟ ليه مانحكمش عقولنا؟؟ ليه فتح الميدان ماكنش ييجي مننا؟؟ أي دولة في العالم طبيعي انه يتم تعليق الاعتصام و اعطاء جدول زمني محدد ثم العودة مرة اخري للاعتصام بشكل أقوي بالذات انه يومي السبت و الاحد كانت المشاكل وصلت لأعلي مستوي و الي حد الغليان مع اصحاب المتاجر و المحلات و الاهالي و الي كان في الميدان شاف و ماكنش عيب ان يبقي في حل توافقي بتعليق الاعتصام و حتي ننزل نفطر في الصينية و نصلي التراويح و نتسحر و كل حاجة و نروح بيوتنا بعد كدة كشكل من اشكال تعليق الاعتصام و اكتساب الناس و الاهالي و أغلب الشعب في صفنا لأننا كدة بخسر الشارع و الناس و الشارع و الناس هي الشرعية علشان نكون واقعيين و نتكلم بصراحة, انا عارف ان في كتير هيكونوا ضدي بس علشان محدش يزايد احنا قاعدين و كنا في الاعتصام و في نفس الوقت كنت مع ان الميدان يفتح يوم الاحد مننا احنا و كنا هنكسب أرض زي ما بيقولوا بدل ما احنا عمالين نخسر كل يوم و لو شايفيين ان المجلس العسكري هو الي في مواجهتك دايما فا المجلس العسكري هو الي بيكسب الشارع و الرأي العام في صفه ضدنا و من ثم ضد الثورة و الثوار, طب ليه مانعملش احنا الشئ الي عايزه الشارع في الوقت الصح...تعليق الاعتصام من يوم الاحد لحد أخر رمضان مع الحفاظ علي اننا ننزل و نفطر مع بعض و نصلي جوة الصينية كأفراد عاديين زي الاهالي الي بيكونوا عايزيين ينزلوا الميدان عادي بدون اعتصام مش هيكون فيها حاجة و تخيلوا لو كنا كسبنا الشارع و فتحنا الميدان بنفسنا, يوم ما فتحنا المجمع و كتبنا عليه مفتوح بأمر الثورة احسن ميليون مرة لو كان الجيش فتحوا...ياريت نحكم عقولنا و نكسب الشارع و نبطل نخسر و يبقي في توافق و تفاهم و محاولة ارضاء اغلب الاطراف علشان نكسبهم في صفوفنا و الله الموفق و المستعان.

               تويتات قائد الجناح العسكري عن الموضوع

يا رفاق حكموا عقولكم و مش كل حاجة تعصب و شتيمة و تعامل بعنف و ترويج اشاعات بقي لقد هرمنا من كدة #egypt #tahrir #fact #bey2ollak #ramadan

#egypt #tahrir #thoughts ماتمشيش ورا حد و سيبك من من التسخين علي تويتر الي كلنا بنسخنه ده و حكم عقلك قبل ما تتعصب و اتأكد من مصدر اي خبر

#egypt #tahrir #thoughts انا مع الاعتصام لكن بردوا مع استخدام الذكاء و كسب الشارع و الرأي العام في صفوفنا و هوضح يعني كسب الرأي. يتبع

كسب الرأي العام يعني توصل كلامك لكل وسائل الاعلام و مش كل سوية تطرد من الميدان قناة فضائية، توصل للاغلبية من الشعب الحقيقة #tahrir #thoughts

#tahrir #egypt #thoughts عدم ارتكاب افعال مثل طرد حمزاوي او صفوت حجازي و لو كانوا ولاد وسخة لأنه لا يحق لنا هذا و لأننا نريد كسب الشارع

عدن التعصب الاعمي للميدان لأننا لما نتكلم مع ناس ضدنا هما في الاخر اهلنا بلاش نخسرهم لازم نكسبهم في صفنا، #tahrir #egypt

#tahrir #thoughts تخيلوا لو كل يوم كل ثائر جاب معاه اتنين و بدأنا نكسب الشارع فعلا، لان الحقيقة دلوقتي ان الاغلب بيشتموا فينا

وتخيلوا لو كنا احنا الي فتحنا الميدان امبارح مش الجيش، كانت هتفرق مليون المية لصالحنا #tahrir #thoughts #egypt

#tahrir #egypt #thoughts احنا بقينا عاملين زي فريق الكورة الي بيجيب اجوان في نفسه...لازم نكسب ناس في صفوفنا و نحكم عقولنا في التصرف

لعبة و بتتلعب علينا، لازم نكون اذكياء و نلاعبهم و نكسب الرأي العام و الشارع في صفنا #tahrir #egypt #thoughts

#tahrir #thoughts #fact تحكيم العقل عمره ما كان كسكسة ولا خوف بس اوقات بيكون الذكاء مطلوب لكسب الرأي العام

                                                                                                                               قائد الجناح العسكري